धनगढी ०३ भाद्र । लायन्स क्लब अफ धनगढी हेल्थ एन्ड मेडिको ले श्रीकृष्ण जन्माष्टमीको शुभ अवसर पारेर धनगढी ४ शिवपुरी स्थित कपडा बैंक लाई कपडा हस्तान्तरण गरेको छ ।
क्लबका पुर्व अध्यक्ष जनकराज जोशी र कृष्णराज पाण्डेयको संयुक्त पहलमा संकलन गरिएका लुगा कपडाहरु शुक्रवार एक कार्यक्रमका बीच हस्तान्तरण गरिएको हो । कार्यक्रम मा क्लबका पुर्व अध्यक्षहरु जनकराज जोशी ,श्यामराज जोशी ,कृष्णराज पाण्डेय ,वर्ष २०२२–०२३ का अध्यक्ष युवराज जोशी ,सचीव प्रेम विवश चन्द,कोषाध्यक्ष नरेश ओझा,सह सचीव खेम अवस्थी र सदस्य माया पाण्डेयको सहभागीतामा कपडा बैंक का अध्यक्ष ज्ञानु शाह लाई बैंकमै हस्तान्तरण गरिएको हो ।
हामी सेवा गर्छौ भन्ने अन्तराष्ट्रिय मान्यता बोकेर स्थापना भएको क्लबले निरन्तर र नियमित रुपमा सेवामुलक कार्यक्रमहरुको थालनी गर्दै आएको छ । साथै छिट्टै नै स्वास्थ सम्बन्धि एक दिने शिबिर संचालन गर्ने क्लबका सचिव प्रेम विवश चन्द ले बताए ।