प्रेम बिवश चन्द,धनगढी १ भाद्र । हाम्रो संस्कृति हाम्रो पहिचान नेपाल र राष्ट्रिय लोक तथा दोहोरी गीत प्रतिष्ठान नेपाल सुदूरपश्चिम प्रदेश कार्यसमितिको संयुक्त आयोजना आज ओल्के पर्वको अवसरमा बिबिध साँस्कृतिक कार्यक्रम सहितको शुभकामना आदानप्रदान कार्यक्रम सम्पन्न भएको छ ।
गोदावरी नगरपालिकाको वडा न.७ लालपुरमा आयोजित ओल्के बिशेष बिबिध साँस्कृतिक कार्यक्रम तथा शुभकामना आदानप्रदान कार्यक्रममा राष्ट्रिय लोक तथा दोहोरी गीत प्रतिष्ठान नेपाल सुदूरपश्चिम प्रदेशका अध्यक्ष पदमबहादुर धामी को सभापतित्वमा भएको कार्यक्रमको प्रमुख अतिथि सुदूरपश्चिम प्रदेश सरकारका सामाजिक विकास राज्य मन्त्री टेकबहादुर रैका रहेका थिए ।
उक्त कार्यक्रममा हाम्रो संस्कृति हाम्रो पहिचान नेपालका अध्यक्ष सुरत रावत ( डोटेली कान्छा) , गोदावरी नगरपालिका वडा न.७ का अध्यक्ष कलावती साउँद, समाजसेवी खडक ओली लगायतले शुभकामना मन्तव्य ब्यक्त राखेका थिए । कलाकारहरुले कार्यक्रममा आ–आफ्नो प्रस्तुति गर्नुका साथै डेउडा खेलेका थिए ।