बैतडी –बैतडीमा चितुवाको आक्रमणबाट एकजना घाइते भएका छन् । जिल्लाको मेलौली नगरपालिका वडा नं २ कोटका ६८ बर्षीय गणेशबहादुर चन्द चितुवाको आक्रमणबाट घाइते भएका हुन् ।
आज बिहान चन्दको खोरबाट खसी लगेको चितुवा दुम्सीका लागि थापेको पासो फसेको र उक्त चितुवाले चन्दलाई आक्रमण गर्दा घाँटी र हातमा समान्य चोट लागेको बताइएको छ ।
पासोमा फसेको चितुवा केहीबेरपछि पासो तोडेर भागेको थियो ।बैतडी जिल्लाको तल्लोसोराड क्षेत्रमा २०६८ साल यता चितुवाको आक्रमणबाट २७ जनाको ज्यान गइसकेको छ ।