धनगढी,१० माघ । कैलालीको धनगढीमा अवैध काठसहित ट्याक्टर चालक पक्राउ परेका छन् । सुदूरपश्चिम प्रदेश ०१००२ त ४६३४ नम्बरको ट्याक्टरमा कागज पत्र नभएको सिसमको सुकेको काठ १८ थान गोलियासहित चालक मिनबहादुर चौधरीलाई प्रहरीले नियन्त्रणमा लिएको हो ।
धनगढी उपमहानगरपालिका–३ बडाराबाट जिल्ला प्रहरी कार्यालय कैलालीबाट खटिएको गस्ती टोलीले मंगलबार काठसहित धनगढी–३ कै २८ वर्षीय ट्याक्टर चालक चौधरीलाई नियन्त्रणमा लिएको बताएको छ । बरामद काठ आवश्यक कारबाहीको लागि जिल्ला वन कार्यालय कैलालीमा बुझाएको प्रहरीले बताएको छ ।