धनगढी,१७ मंसिर । आज (शनिबार) स्कारपियोले अटोलाई ठक्कर दिँदा ३ जना घाइते भएका छन्। कैलालीको लम्कीचुहा नगरपालिका वडा न ३ बल्चौरस्थित पूर्वपश्चिम राजमार्गमा दुर्घटना भएको हो।
प्रहरीका अनुसार पश्चिमबाट पूर्वतर्फ जादै गरेको बा १४ च ९५७६ नम्बरको स्कारपियो र विपरीत दिशाबाट आइरहेको से १ ह ९३३ नम्बरको अटो एक आपसमा ठोकिएका हुन् । ठोकिएपछि ३ जना घाइते भएका छन। घाइते हुनेमा सवार अन्दाजी ३० वर्षीय हरिश वादी र अन्दाजी २४ वर्षीया कल्पना वादी र अटो चालक २९ वर्षीय दिपक वादी रहेका छन ।
घाइतेलाई उपचारको लागि कोहलपुर मेडिकल कलेज लगिएको छ। स्कारपियो चालक नेपालगन्ज उपमहानगरपालिका १० बस्ने ४१ वर्षीय भुपेन्द्र बिकलाई प्रहरीले पक्राउ गरेको छ।