धनगढी ७ चैत्र,डोटीको बडिकेदार गाउँपालिका १ अलाडी महोन्याल मन्दिर नजिकै बस दुर्घटना हुँदा दुईजना घाईते भएका छन् ।
मन्दिर नजिकैको मोडमा रिभर साइड यातायातको ना ४ ख ३६०७ नम्बरको बस पल्टिएको प्रहरीले जानकारी दिएको छ। प्रहरीका अनुसार बस डोटीको घाङ्गलबाट जोशीपुरका लागि गुडेको थियो।
बसमा २२ जना यात्रु सवार थिए। उनीहरुमध्ये दुर्घटनामा दुईजना घाइते भएको र अन्य यात्रुको अवस्था सामान्य रहेको बताइएको छ। घटनाको थप अनुसन्धान भैरहेको प्रहरीले जनाएको छ।