धनगढी,८ असोज । धनगढीमा एक सुनचाँदी पसलमा चोरी भएको छ । धनगढी उप-महानगरपालीका १ एलएन चोकमा रहेको राज श्री सुनचाँदी गहना पसलमा गएराति चोरी भएको हो ।
सटरको ताला तोडेर पसलभित्र प्रवेश गरेको सुनचाँदीका गरगहना चोरी गरेको जिल्ला प्रहरीकार्यालय कैलालीका प्रहरी नायब उपरिक्षक(डिएसपी) वेद प्रकाश जोशीले जानकारी दिए ।
प्रहरीका अनुसार सीसीटीभी फुटेजमा गएराति २ बजेर ५९ मिनेटमा सटरको ताला फुटाएर पसल भित्र प्रवेश गरेको देखिन्छ ।
अहिले प्रहरीले उक्त सीसीटीभी फुटेज विश्लेषण गरिरहेको छ । पसलबाट करीब सवा एक लाख बराबरको गरगहना चोरी भएको प्रहरीले जनाएको छ ।