धनगढी,७ असोज । कैलालीको धनगढीमा शनिबार देखि सुरु हुने सुदूरपश्चिम राजधानी कप २०७९ को सम्पुर्ण तयारी पुरा भएको छ । आयोजक पिएफए स्पोस्र्टस क्लब अत्तरियाले प्रतियोगीताको सम्पुर्ण तयारी पुरा भएको जनाएको हो ।
सो प्रतियोगीता शनिबार दिउँसो २ बजे देखि धनगढीस्थीत दशरथ रंगशालामा सञ्चालन हुने प्रतियोगीताका संयोजक तथा सुदूरपश्चिम फुटबल संघका अध्यक्ष दिनेश श्रेष्ठले जानकारी दिए ।
प्रतियोगितामा नवौं राष्ट्रिय खेलकुद प्रतियोगितामा सहभागीता जनाउने ६ वटा प्रदेशको टोली तथा सुदूरपश्चिमबाट रातो र निलो दुई ओटा गरी जम्मा ८ वटा टोली रहने संघका अध्यक्ष श्रेष्ठले बताए ।
आयोजकले बिहिबार ट्रफी र खेल तालिका सार्वजनिक गरेको थियो । सार्वजनिक गरिएको खेल तालिका अनुसार भोलिको उद्घाटन खेलमा सुदूरपश्चिम प्रदेशको रातो टिम र कर्णाली प्रदेश भिड्ने भएका छन ।
सो प्रतियोगीताको उद्घाटन सुदूरपश्चिम खेलकुद परिषद सदस्य दिपक बहादुर सिहले गर्ने छन् ।