धनगढी,६ असोज । कैलालीमा श्रीमतीको हत्या गरी फरार रहेका कैलालीका एक जना पक्राउ परेका छन् । बिहिबार जिल्लाको गौरीगंगा नगरपालिका ५ का शेरबहादुर नामजाली मगरले आफ्नी श्रीमती ललिता नामजाली मगरको हत्या आरोपमा पक्राउ परेका हुन् ।
मगरले श्रीमतीको हत्या तथा दुई छोराछोरी घाइते बनाई फरार भएका गाउँबाट पक्राउ गरेको इलाका प्रहरी कार्यालय मालाखेतीले जनाएको छ ।
मगरले ३२ वर्षीया आफ्नी श्रीमती ललिता नामजाली मगरको हत्या र १७ वर्षीया छोरी लक्ष्मी नामजाली मगरलाई हतियार प्रहार गरि घाइते बनाएका थिए ।
यस्तै १२ वर्षका छोरा विजयलाई सामान्य चोटपटक लागेको थियो । प्रहरीका अनुसार १७ वर्षीया लक्ष्मीको धनगढीस्थित सेती प्रादेशिक अस्पतालमा उपचार भइरहको छ ।
उनको अवस्था गम्भीर रहेको प्रहरीले बताएको छ । घटनाबारेमा थप अनुसन्धान भइरहेको प्रहरीले जनाएको छ।