धनगढी,३ असोज । डडेल्धुरामा कार दुर्घटना हुँदा ४ जना घाइते भएका छन् । सोमबार धनगढीबाट दीपायलतर्फ गइरहेको कार जिल्लाकोे गन्यापधुरा गाउँपालिका–२ गजरौलामा दुर्घटना भएको हो ।
केआईसिंह राजमार्ग अन्तरगत सु.प.प्र ००१ च ३३६८ नम्बरको कार दुर्घटना हुँदा चालकसहित चार जना घाइते भएका प्रहरीले बताएको छ ।
दुर्घटनामा कञ्चनपुरको महेन्द्रनगरका (चालक) कृष्ण ऐर,सहित दीपायलका गोपाल सूचीकार,अमन सूचीकार, र सन्तोश नेपाली घाइते भएको जिल्ला प्रहरी कार्यालय डडेल्धुराका प्रमुख प्रहरी नायब उपरीक्षक (डीएसपी) मनोहर भट्टले जानकारी दिए ।
उनका अनुसार घाईतेलाई उद्दार गरि उपचारका लागि डडेल्धुरा अस्पताल पुगाइएको (डीएसपी) भट्टले बताए । नेपालीको अवस्था गम्भीर रहेको प्रहरीले बताएको छ ।
प्रहरीका अनुसार दुर्घटनाको कारण भने खुलेको छैन । कार सडकबाट २५ मिटर तल खसेको प्रहरीले बताएको छ ।