धनगढी, ३ असोज । संविधान दिवसका उपलक्ष्यमा राष्ट्रपति विद्यादेवी भण्डारीले देशभरिका ९९८ जनालाई विभिन्न मानपदवी, अलंकार र पदकद्वारा विभूषित गर्ने घोषणा गरेकी छन् ।
सरकारले सार्वजनिक गरेको विभूषित हुनेहरूको नामावलीमा कैलालीका पत्रकार टेकराज जोशी पनि छन् । जोशी नेपाल सेवा प्रवीण पदकबाट विभूषित हुने भएका हुन् । कान्तिपुर टेलिभिजनका उप सम्पादक जोशी लामो समय देखि पत्रकारितामा सक्रिय छन् ।
त्यस्तै सुदूरपश्चिमबाट बझाङका देउडा गायक नन्दकृष्ण जोशीले सुर्कीर्तिमय राष्ट्रदीप पदक पाउने भएका छन् । सुप्रबल जनसेवाश्री पदकबाट शिक्षाविद् प्रा.डा. हेमराज पन्त, कैलालीका प्रमुख जिल्ला अधिकारी किरण थापा विभूषित हुने भएका छन् ।