धनगढी-सुदूरपश्चिम खप्तड गोल्डकपमा आज मच्छिन्द्र फुटबल क्लब र वाग्मती क्लब खेल्दैछन् ।
‘ए’ डिभिजनको च्याम्पियन मच्छिन्द्र र वाग्मतीबीच क्वाटर फाइनल खेल धनगढी रङ्गशालामा दिउँसो ४ बजे सुरु हुनेछ ।मच्छिन्द्रले सिधै क्वाटर फाइनल खेल खेल्न लागेको हो ।वाग्मतीले आफ्नो पहिलो खेलमा न्युरोड टिम एनआरटीलाई पेनाल्टी सुटआउटमा हराएको थियो ।
आजको खेलमा महिलालाई प्रवेश निःशुल्क गरिएको छ ।नारी दिवसका अवसरमा आजको खेलमा महिलालाई प्रवेश निःशुल्क गरिएको आयोजक सुदूरपश्चिम–११ स्पोर्टस् क्लबले विज्ञप्ति निकालेर जनाएको छ । प्रतियोगितामा दुई फरक टिकट दर छ।
विद्यार्थीका लागि १ सय र अरुका लागि १ सय ५० रुपैयाँ तोकिएको छ ।