धनगढी १ असोज । आज असोज १ हिन्दुहरुले विश्वकर्मा पुजा मनाउँदै छ । विभिन्न फलामे औजार तथा कलाकारखानाहरुको पुजा आजा गरेर बिश्वकर्मा पूजा मनाइने गरिन्छ ।
आजका दिन कलकारखानामा रंगीचंगी पार्नुका पार्ने गरिन्छ । विहानै स्नान गरि आफु संग भएका विभिन्न सवारी साधन, कलकारखाना,अन्य विभिन्न फलामे औजारका लाई धोएर विशेष पुजा आजा गर्ने प्रचलन रहि आएको छ ।
पुजाका क्रममा साधन, कलकारखाना तथा औजारमा रिवन तथा विभिन्न ध्वजापतका लगाएर रंगीन बनाइने गरिन्छ । आफु संग भएका बस्तुको पुजा आजा गर्दै सामानको दिगोपन र मुनाफाको कामना गर्दै पूजा गर्ने गरिन्छ ।
पूजा गरिसके पछि आजका दिन ती सामानको प्रयोग नगर्ने चलन पनि रहेको छ । यो पुजाको अवसरमा विश्वकर्माको मूर्ति बनाई पूजा गर्ने तथा प्रसाद चढाउने गर्दछन् ।