धनगढी ३१ भाद्र । धनगढी विमानस्थलको रनवेमा स्याल छिरेपछि सौर्य एयरलाइन्सको जहाज अवतरणमा ढिलाइ भएको छ । काठमाडौंबाट आएको सौर्य एयरलाइन्सको जहाज अवतरण गर्ने क्रममा रनवेमा स्याल देखिएपछि जहाज अवतरणमा ढिलाइ भएको हो ।
जहाजले ओभरसुट गरी धनगढीको आकाशमा फन्को मारेर पछि अवतरण गरेको विमानस्थल कार्यालयले जनाएको छ । जहाज दुई मिनेट ढिलो गरेर सुरक्षित अवतरण गरिएको विमानस्थल कार्यालयका निमित्त प्रमुख सोहनराज जोशीले जानकारी दिए ।
उनले अन्य प्राविधिक समस्या नभएर तर रनवेमा स्याल प्रवेश गरेका कारण जहाजले आकाशमा फन्को मार्नुपरेको बताए ।
विमानस्थलमा पटकपटक स्याल प्रवेश गर्दा समस्या हुने गरेको विमानस्थल जनाएको छ ।