धनगढी २३ भाद्र । महोत्तरीमा जङ्गली हात्तीले पाँच घर भत्काएको छ । जिल्लाको बर्दिबास –८ मा हात्तीले चार र वडा नं १० मा एक घर भत्काएको हो ।
रातका समयमा जङ्गलबाट आएका हात्तीको झुन्डले जितबहादुर योञ्जन, सोमबहादुर तामाङ, बुद्धिमान सिग्देल र जयकिसुन महतोको घर भत्काएको जिल्ला प्रहरी कार्यालय महोत्तरीका प्रहरी उपरीक्षक कृष्णप्रसाद पङ्गेनीले जानकारी दिए ।
अँध्यारोको बेला हात्तीले घर भत्काउन थालेपछि घरधनीहरूले घर छाडेर भागेका उनले बताए । हात्तीको आक्रमणबाट मानवीय क्षति नभएको प्रहरीले जनाएको छ ।