प्रेम विवश चन्द, धनगढी १९ भाद्र। चर्चित गायिका रेखा जोशी र गायक शेरी औजीको स्वरमा रहेको “रङ्गी रुमाल” गीत सार्वजनिक भएको छ । सम्झना म्यूजिक फिल्मसको आधिकारिक युट्युब च्यानलबाट उक्त गीत विहिवार सार्वजनिक भएको हो । जसमा शब्द रमेश सम्झना मायालु र भानुभक्त जोशीको रहेको छ भने लय रमेश सम्झना मायालुको रहेको छ । यस गीतलाई दिपक संगम बिसीले एरेन्ज गरेको छ ।
रंगी रुमाल, टल्की रन्या, झल्की रन्या अपी हिमाल जस्ता शब्द समावेश भएको उक्त गीत मालाश्री स्टुडियोमा रेकर्ड गरिएको छ । विनोद भण्डारी र सुवाश विष्टले छायांकन गरेको उक्त गीतमा सम्पादन तथा निर्देशन थापा कमल विवेकको रहेको छ । रमेश सम्झना मायालु र मिना बोहराले अभिनय गरेको उक्त गीत अत्यधिक रुचाइएको छ ।
सरल शब्दमा सुदूरपश्चिमको पर्यावरण संगै यहाँ भाषा ,साहित्य कला र मौलिकता बोकेको डेउडा गीतले नजिकै रहेको गौराको प्रतिनिधित्व गरेको छ । मौलिक गीत संगीतले आफ्नो संस्कृति जगेर्ना मा हातेमालो गर्न र पच्छिलो समय युवावर्गले समेत राम्रो प्रतिक्रिया र अग्रज स्रोता दर्शकले पनि उतिकै मन पराएका कारण आफुहरुलाई अझै प्रेरणा थपिएको गायक शेरी औजिले बताए ।
देश तथा बिदेश बाट र टिकटकमा समेत मेरि माया शितलु छायाको छोटो समयको अत्यन्तै माया पाएकोमा यस गीतले थप उल्लासमय सफलता प्रदान गर्ने विश्वास गरिएको छ ।