धनगढी भाद्र । डडेल्धुरामा एक महिला मृत फेला परेकी छिन् । जिल्लाको अमरगढी नगरपालिका–६ की अन्दाजी ३६ वर्षीया जमुना ताम्राकार आज(शुक्रबार) मृत फेला परेकी हुन् ।
उनी यही भदौ १३ गते सोमबार साँझ श्रीमानसँग झगडा भएर हिँडेकी आज ऋषिखोला वनमा झुण्डिएको अवस्थामा उनको शव फेला परेको जिल्ला प्रहरी कार्यालय डडेल्धुराका प्रहरी नायब उपरीक्षक मनोहर भट्टले जानकारी दिए ।
अहिले घटनास्थलमा प्रहरी टोली पुगेर अनुसन्धान गरिरहेको प्रहरीले बताएको छ ।