धनगढी १५ भाद्र । सुर्खेतमा तिजको नाच हेर्नेक्रममा झडप हुँदा एक जनाको मृत्यु भएको छ । जिल्लाको वीरेन्द्रनगर नगरपालिका–१० बामेखोला पटानटोलमा २ समूहबीच विच झडपहुदा १ जनाको मृत्यु भएको हो ।
पाटनखोलामा तिजको नाच हेर्ने क्रममा मंगलबार राति युवाहरुको २ समूहबीच झडप भएको जिल्ला प्रहरी कार्यालय सुर्खेतले जानकारी दिएको छ ।
सो झडपमा स्थानीय २४ वर्षीय रोशन जिसीको मृत्यु भएको जिल्ला प्रहरी कार्यालय सुर्खेतका प्रहरी नायब उपरीक्षक (डीएसपी) सुरज कार्कीले जानकारी दिए ।
उनका अनुसार स्थानीयलाई सोधपुछ गर्दा २ समूहबीच झडप हुँदा जिसीको मृत्यु भएको पाईएको छ ।
मृतक युवकको टाउकोमा गम्भीर चोट लागेको प्रहरीले बताइको छ ।
प्रहरीका अनुसार घटनामा संलग्नहरुको खोजी कार्य भईरहेको छ । उक्त घटनाको थप अनुसन्धान भईरहेको जानकारी दिएको छ ।