धनगढी १५ भाद्र । सुदूरपश्चिम प्रदेसका विभिन्न जिल्लाबाट हरितालीका तिजका दिन ७४ जना नेपाली भारत गएका छन् । स्वदेशमा रोजगार नहुदा गाउँ घरमै बसेर घर खर्च चलाउन समस्या हुन थालेपछि मंगलवार तिजका दिन रोजगारको शिलशिलामा भारत गएका हुन् ।
गौरीफन्टा नाका बाट मंगलबार तिजका दिन ५१ पुरुष,१५ महिला र आठ नाबालक गरी जम्मा ७४ जना भारत गएका त्रिनगर प्रहरी चौकीका हवल्दार रामबहादुर चन्दले जानकारी दिए । उनका अनुसार दैनिक नेपालबाट डेढ सयको हाराहारीमा भारत जाने गरेका छन् ।
चाडवाड नजिकिय संगै स्वदेशिने भन्दा विदेशिने नेपालीको संख्या बढी रहेको छ । चाडपर्वमा घरपरीवारको खर्च चलाउन गाह्रो हुन थाले पछि नजिकै आईरहेको तिहार छोड्नु पर्ने बाध्यता भएको उनिहरुको भनाई छ ।
