धनगढी ११ भाद्र । कैलालीमा हतगडीसहित फरार रहेका व्यक्तिको घरबाट ४७ केजि गाजा बरामद गरेको छ । जिललाको जोशिपुर गाउपालीका वडा नं.४ बस्ने शम्भु चौधरीका २८ वर्षिया छोरा शंकर चौधरीको घरबाट उक्त परिमाणमा गाजा बरामद गरेको हो ।
शम्भु चौधरिले आफुमाथि कुट्पिट गरेको भन्दै ईलाका प्रहरी कार्यालय जोशीपुरमा निवेदन दिएका थिए । बुवालाई कुट्पिट गरेको आरोपमा शंकर चौधरीलाई उनको घरबाटै ईलाका प्रहरी कार्यालय जोशीपुरको प्रहरी टोलिले पक्राउ गरेको जिल्ला प्रहरी कार्यालय कैलालीका प्रहरी नायव उपरिक्षक वेदप्रकाश जोशिले जानकारी दिए ।
उनका अनुसार प्रहरीलेउनलाई पक्रउ गरि कार्यालय ल्याउने क्रममा स्थानीय पथरैया नदीमा हाम फालेर हतगडीसहित उनि फरार भएका थिए । हतगडीसहित फरार शंकरलाई ईलाका प्रहरी कार्यालय भजनीबाट खटिएको प्रहरी टोलीले कैलालीको जोशीपुर वडा ४ हस्नापुर बाट पक्राउ गरेको प्रहरीले जनाएको छ ।
प्रहरी का अनुसार शंकरले लागुऔषध सेवन तथा बिक्री बितरण गर्छ भन्ने सुचनाको आधारमा उनको घरमा खोजि गर्दा ४७ किलो गांजा भेटिएको हो । उक्त परिमाणको गाजा बरामद गरि थप अनुसन्धान भईरहेको प्रहरी प्रवक्ता जोशिले बताए ।