धनगढी ७ भाद्र । बैतडीका दुई स्थानमा शंकास्पद बस्तु भेटिएको छ । मंगलवार बिहान जिल्लाको सतबाँझ क्षेत्रको सडकमा बम जस्तै देखीने शंकास्पद बस्तु फेला परेको हो ।
जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीका अनुसार सतबाझको भण्डारी आयल स्टोर नजिकै सडक किनारमा प्रेसर कुकरमा तारले बेरिएको अवस्थामा र सतबाँझ गोकुलेश्वर सडकखण्डको बिचमा शंकास्पद बस्तु भेटिएको हो ।
सो ठाउँमा नेपाली सेनाको हनुमानध्वज गुल्मबाट खटिएको नेपाली सेनाको बम डिस्पोज टोलीले निष्क्रिय गरेको प्रहरी प्रवक्ता जोशीले बताए । उनका अनुसार भण्डारी आयल स्टोर नजिक भेटिएको शंकास्पद बस्तुको निष्क्रिय गर्ने तयारी भैरहेको छ ।
विप्लव नेतृत्वको नेकपा सहितका चार राजनीतिक दलले आज नेपाल बन्द आह्वान गरेका छन् । उनीहरुले नै सडकमा शंकास्पद वस्तु राखिएको हुन सक्ने अनुमान गरिएको छ ।