धनगढी : धनगढीमा मोटरसाइकल ठोक्किँदा एक जनाको मृत्यु भएको छ। सोमबार राति मोहनापुल–अत्तरिया ६ लेन सडको राजपुरमा मोटरसाइकल गाईसँग ठोक्किदा दुई जना घाइते भएका थिए।
उपचारको क्रममा निसर्ग अस्पतालमा धनगढी उपमहानगरपालिका–१३ बस्ने ३० वर्षीय गंगा बोगटीको मृत्यु भएको छ। उनि मोटरसाइकल चालक हुन् ।
सोही मोटरसाइकलमा सवार गंगाकी श्रीमती शुशिला शर्मा घाइते छिन्। उनको सोही अस्पतालमा उपचार भइरहेको र अवस्था सामान्य रहेको जनाएको छ। अत्तरियाबाट धनगढीतर्फ आइरहेको सुपप्र ०१०११ प ३८१६ नम्बरको मोटरसाइकल गाईसँग ठोक्किएको थियो।