धनगढी । नेपाल कम्युनिष्ट पार्टी विप्लव नेतृत्व सहितका दलले नेपाल बन्द गर्ने भएका छन् । नेपाल कम्युनिष्ट पार्टी विप्लव नेतृत्वको पार्टीसहितका चार राजनीतिक दलले मंगलबार भदौ ७ गते नेपाल बन्द आह्वान गरेका हुन।
नेकपा विप्लव र सरकारविच भएका तीन बुँदे सहमति सरकारबाटै उलङघन भएको ,एमसीसी, एसपीसी जस्ता राष्ट्रघाती सम्झौता कार्यान्वयनको विषय साथै भ्रष्टचार, कालो बजारी,देशमा ब्याप्त आर्थिक मन्दी विरुद्द नेपाल बन्दको घोषणा गरिएको नेकपा कञ्चनपुरले आइतबार जारी प्रेस विज्ञप्तिमा जनाएको छ।
नेकपा कञ्चनपुरका सचिव प्रकाश मल्लद्वारा हस्ताक्षरित गरिएको विज्ञप्तिमा आम हड्तालमा ऐक्यबद्धता जोहर गरिदिन अपिल गरिएको छ। सहमति विपरीत अदालतले पार्टीका महासचिव लगायत दर्जनौँ नेता कार्यकर्तालार्ई पक्राउ पुर्जी जारी गरेर मुल मुलुकलाई द्वन्द्वमा धकेलिरहेको प्रेस विज्ञप्ति मार्फत जनाएको छ।