धनगढी, २५ साउन । धनगढी अज्ञात समुहले घर अगाडी राखेको ट्रेक्टरमा आगजनी गरेको छ । मंगलबार राती कैलालीको धनगढी ६ जालीमा करण चौधरीको घर अगाडी राखेको ट्रेक्टरमा आगजनी भएको हो ।
नयाँ अनटेष्ट लेखिएको ट्रेक्टरको बाहिरी भाग जलेर नष्ट भएको जिल्ला प्रहरी कार्यालय कैलालीको प्रबक्ता प्रहरी नायव उपक्षिक वेदप्रशाद जोशीले जानकारी दिए । निर्माण व्यबसायी समेत रहेका करण चौधरीको संगै रहेका अन्य सवारी साधन भने आगलागी हुनबाट जोगिएको बताईएको छ ।
प्रहरीका अनुसार राती एक्कासी ट्रेक्टरमा आगजनी भएको देखेपछि छिमेकी र स्थानीयको सहयोगबाट आगलागी नियन्त्रणमा आएको हो । घटनाको अनुसन्धान भई आगजनी व्यक्तीको खोजि कार्य भैरहेको छ ।
आगजनी गर्ने जंगल क्षेत्रबाट आएको र आगजनी गरेको सिसि टिभी फुटेजमा देखिएको छ ।