धनगढी २५ साउन । डडेल्धुराका अन्दाजी १५ वर्षीय किशोर मृत भेटिएका छन् । जिल्लाको अमरगढी नगरपालिका वडा नम्बर ५ स्थित सिलिङधारा घर भएका किरण पाठक मंगलबार हिजो मृत भेटिएका हुन ।
शनिबारदेखि बेपत्ता रहेका पाठक अमरगढीकै मौरडा गाउँ तल रहेको हामफाल्ने तालमा मृत फेला परेकाको जिल्ला प्रहरी कार्यालय डडेलधुराले जनाएको छ । किशेरका आफन्तले घटनाको अनुसन्धानको माग गर्दै जिल्ला प्रहरी कार्यालय डडेल्धुरामा जाहेरी दिएका थिए्। पाठकको शव खोलामा डुबेको अवस्थामा भेटिएको प्रहरीले बताएको थियो।
जिल्ला प्रहरी कार्यालय डडेल्धुराले जाहेरी परेको र प्रहरीले अनुसन्धान गरिरहेको जनाएको छ। डडेल्धुरा अस्पतालमा पोष्टमार्टमपछि किशोरको शव आफन्तलाई बुझाइएको प्रहरीले बताएको छ। तर, रिपोर्ट आउन बाँकी छ।