धनगढी, २४ साउन । सोमबार राति धनगढीमा घरमा पार्किङ गरिएको मोटरसाइकलमा अज्ञात व्यक्तिले आगजनी गरेको छ । धनगढी उपमहानगरपालिका–६ को जालीगाउँका स्थानीय जगतप्रसाद चौधरीले घरको बरण्डामा पार्किङ गरेको से ४ प ६८९३ नम्बरको होण्डा साइन मोटरसाइकलमा आगजनी गरिएको जिल्ला प्रहरी कार्यालयका प्रवक्ता प्रहरी नायब उपरीक्षक वेदप्रकाश जोशीले जानकारी दिए ।
प्रहरीका अनुसार सबै जना खाना खाएर सुतिसकेको अवस्थामा मोटरसाइकलमा आज्ञात व्यक्तिले आगजनी गरेको हो । प्रहरीले घटनाबारे थप अनुसन्धान भइरहेको जानकारी दिएको छ । मोटरसाइकल धनी चौधरीले साँझ ५ बजे कार्यालयबाट फर्किएर बरण्डामा पार्किङमा राखेको थियो ।रातिको समयमा अज्ञात व्यक्तिले आगजनी गरेको कुरा छिमेकीले देखेपछि मात्र थाहा पाएको प्रहरीले जनाएको छ ।
छिमेकी विश्राम चौधरीले मोटरसाइकलमा आगजनी गरिएको पाएर होहल्ला गरेका थिए । त्यस पछि जानकारी पाउदा सबै मिलेर आगलागि नियन्त्रणमा लिएको स्थानीयले बताएका छन् ।