धनगढी २३ साउन । धनगढीमा सशस्त्र प्रहरी जवान डेढ किलो चरेससहित पक्राउ परेका छन् । बझाङको दुर्गाथली गाउँपालिका वडा नम्बर ४ घर भएका सशस्त्र जवान गणेश प्रसाद जोशीलाई प्रहरीले पक्राउ गरेको हो।
कैलालीको बनबेहडामा कार्यरत सशस्त्र जवान जोशीको साथबाट डेढ किलो चरेस बरामद गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए।
प्रहरीका अनुसार धनगढीको सिटी होटेलबाट प्रदेश प्रहरी र जिल्ला प्रहरीको संयुक्त टोलीले उनलाई पक्राउ गरेको हो ।पक्राउ परेका जोशीलाई नियन्त्रणमा लिएर थप अनुसन्धान भइरहेको प्रहरी प्रवक्ता जोशीले बताए।