कैलाली, २१ साउन । कैलालीको जानकी गाउँपालिमा प्रेम विवाह गरेको एक महिना नवित्दै एक किशोरीको मृत्यु भएको छ । कैलालीको जानकी गाउँपालिका–६ जगतपुर बस्ने भरत भण्डारीसँग प्रेम विवाह गरेकी दैलेखको गुँरास गाउँपालिका–२ की १९ वर्षीय विष्णु रावलको मृत्यु भएको प्रहरीले जनाएको छ । उनीहरुले भागेर विवहा गरेका थिए ।
श्रीमानले मृतक रावललाई बिहीबार उपचारका लागि टीकापुर अस्पताल ल्याएका र सोही क्रममा उनको मृत्यु भएको इलाका प्रहरी कार्यालय टीकापुरले जनाएको छ ।
प्रमुख प्रहरी नायब उपरीक्षक (डीएसपी) हेमबहादुर शाहीले बताए ।मृतक रावलले झुण्डिएर आत्महत्या प्रयास गरेको अवस्थामा श्रीमानले पासो काटेर अस्पतालमा पुगाएका थिए तर चिकित्सकले मृत घोषणा गरेको प्रमुख प्रहरी नायब उपरीक्षक शाहीले बताए । घटनाको अनुसन्धानका गर्न मृतकका श्रीमानलाई नियन्त्रणमा लिएको तर प्रहरीले शुक्रबार आफन्तको जिम्मा लगाएको छ ।हत्या जस्तो नदेखिएको तर सबै अनुसन्धान भने भैरहेको प्रहरीले जानकारी दिएको छ ।