धनगढी,३० बैशाख । बैतडीमा छिमेकी अस्मिता चन्दको कुटपिटबाट डम्मरा कार्की घाइते भएकी छन् । दोगडाकेदार गाउँपालिका–२ की ३२ वर्षीया कार्कीलाई उनकै छिमेकी २८ वर्षीया चन्दले कुटपिट गरी घाइते बनाएकी हुन् । प्रहरीका अनुसार शनिवार सामान्य घरायसी विवादका क्रममा चन्दले कार्कीलाई दाउराले हिर्काएकी थिइन् । घाइते कार्कीलाई जिल्ला अस्पताल बैतडीबाट थप उपचारका लागि हिजो राति नै डडेल्धुरा रिफर गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीले बताए ।
