धनगढी: हरियो चौरपाटी, स्वच्छ सफा चौरपाटी भन्ने नाराका साथ चौरपाटी गाउँपालिका अध्यक्ष भीम बहादुर साउदले श्रीखण्ड र फलफुलका बिरुवा बृक्षारोपण गर्नु भएको छ ।
अध्यक्ष साउद सहितको टोलीले नव निर्मित गाउँपालिकाको भवनको आगन र मष्टाबन्डाली देवस्थिल चौरमाण्डौमा र प्रहरि चौकि सिउडिमा बृक्षरोपण गरिएको गाउँपालिकाले जानकारी दिएको छ ।
बृक्षरोपण कार्यक्रममा अध्यक्ष साउदले विरुवा रोप्दा वातावरण हरियाली हुनुका साथै मानविय स्वास्थ्यमा समेत सकारात्मक प्रभाव पर्ने भन्दै वाँझो जग्गा र नाङ्गा डाडाँमा बृक्षरोपण गर्नु पर्नेमा जोड दिनु भयो ।
डिभिजन वन कार्यालय अछाम र चौरपाटी गाउँपालिका कृषि विकास शाखा चौरपाटीको सहयोगमा बृक्षरोपण गरिएको थियो । बृक्षरोपण कार्यक्रममा श्रीखण्ड, अनार, मौसमी, ईमिला लगायतका फलफुलका बिरुवा रोपिएका छन ।
बृक्षरोपण कार्यक्रममा गाउँपालिका अध्यक्ष साउद सहित गाउँपालिका कर्मचारीहरु,शुरक्षाकर्मि,पत्रकारको सहभागिता रहेको थियो ।