धनगढी,२६ चैत । कञ्चनपुरकी एक किशोरीको भारतमा उद्धार गरिएको छ । जिल्लाको बेलडाँडी गाउँपालिकाबाट बेपत्ता भएकी सोही गाउँपालिका – ५ इमलिया घर भएकी १६ वर्षीया किशोरीलाई भारतबाट उद्धार गरिएको हो ।
चैत २ गते घरबाट हराएकी किशोरी भारतको हरियानाबाट उद्वार गरिएको इलाका प्रहरी कार्यालय बेलडाडीका प्रमुख प्रहरी निरीक्षक कृष्ण कुँवरले बताए । प्रहरीसहित आफन्तले खोजतलास गर्दै जाँदा उनी चैत ३ गते गड्डाचौकी नाका हुँदै भारत पसेको जानकारी पाएपछी भारतको हरियाणा पुगेर प्रहरीसहितको टोलीले उद्धार गरेको हो ।