बैतडी : नेपाल–भारत सीमा जोड्ने झुलाघाट नाकामा आज आवतजावत बन्द गरिएको छ । झुलाघाट पुल मर्मत कार्य भइरहेकाले आजका लागि नाकामा आवतजावत बन्द गरिएको जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए । महाकाली नदीमाथि रहेको झुलाघाट पुल जीर्ण भएपछि मर्मत कार्य भइरहेको हो ।
दुवै देशका सुरक्षा अधिकारीहरुको बैठक बसेर पुल मर्मत गर्ने सहमति गरेका थिए । झुलाघाट पुलका केही पट्रीहरु टुटफुट भएकाले मर्मत कार्य शुरु गरिएको हो । भारत सरकारका तर्फबाट पुल मर्मत गर्ने कार्य भइरहेको सूचना अधिकारी भारतीले बताए ।