धनगढी,१४ माघ । धनगढी–काठमाण्डौको उडान प्रभावित बनेका छन । विगत ३ दिनदेखी बाक्लो हुस्सुका कारण उडान प्रभावित बनेका हुन । धनगढी विमान स्थल कार्यालयका वरिष्ठ अधिकृत दीपक भट्टका अनुसार शुक्रबार धनगढी–काठमाण्डौंको एउटा मात्र उडान भएको थियो भने शनिबार सबै उडान ठप्प भएका थिए ।
आइतबार पनि बिहानैदेखि अकास नखुलेकोले दिउँसो मात्रै उडानबारे थाहा हुने बताइएको छ । धनगढीबाट उडान भर्नका लागि एक हजार सात सय मिटरसम्म आँखाले देखिनुपर्ने हुन्छ । तर आईतबार एक सय मिटरसम्म मात्रै देखिएको बताइएको छ । यहाँबाट बुद्ध एयरको २ र श्रीएयरको ४ वटा गरी दैनिक ६ वटा उडान हुँदै आएका छन ।