धनगढी ,१२ माघ । कञ्चनपुरमा इलेक्ट्रोनिक लाइटर बोकेको ट्रकलाई प्रहरीले नियन्त्रणमा लिएको छ । बिहीबार राति भीमदत्त नगरपालिका–१२ महाकाली किनारबाट सुदूरपश्चिम प्रदेश ०१००१ ख २६२९ नम्बरको मिनि ट्रक प्रहरीले नियन्त्रणमा लिएको हो ।
बिल भरपाइ नभेटिएको र भारत लगिरहेको आशंकामा ट्रक नियन्त्रणमा लिइएको जिल्ला प्रहरी कार्यालय कञ्चनपुरले जनाएको छ । ट्रक शंकास्पद अवस्थाको देखिएपछि नियन्त्रणमा लिइएको कार्यालयका प्रवक्ता प्रहरी नायब उपरीक्षक प्रकाश डाँगीले बताए । यस विषयमा आवश्यक अनुसन्धान भइरहेको डांगीले बताए