धनगढी,१० माघ । फाया नेपालको २५औं बार्षिकोत्सव सम्पन्न भएको छ । २५औं बार्षिकोत्सवको अवसरमा चुरे गाउँपालिका १ श्री शिव माध्यमिक विद्यालय किम्तोलामा विभिन्न कार्यक्रम गरि मनाएको हो । संस्थाका अध्यक्ष लोकराज भट्टलगायत ७ जनाको सहभागितामा हाजिरी– जवाफ प्रतियोगिता सञ्चालन गरी पुरस्कार समेत वितरण गरिएको थियो ।
हाजिरी– जवाफ प्रतियोगितामा प्रथम भावना थापा, दिपिका विक र सारदा साउँद र द्धितिय उमा बोहरा, तिर्था क्षेत्री,रञ्जिता विक भएका थिए । साथै उक्त कार्यक्रममा २० जना गरिब, जेहेन्दार, जनजाती र दलित विद्यार्थीहरुलाई शैक्षिक सामग्रीको वितरण गरिएको शिव माध्यमिक विद्यालयका लेखापाल लालबहादुर बमले बताए । कार्यक्रममा फाया नेपालका जनसम्र्पक संयोजक धनपति ढुङगेल र संस्थाका अध्यक्ष लोकराज भट्टले मन्तव्य राख्नु भएको थियो ।