धनगढी,९ माघ । कैलालीमा मोटरसाइकल दुर्घटना हुँदा एक जनाको मृत्यु भएको छ। घोडाघोडी नगरपालिका– २ साडेपानीस्थित पूर्व–पश्चिम राजमार्गमा सुदूरपश्चिम प्रदेश ०१००९ प ४६१९ नम्बरको मोटरसाइकल अनियन्त्रित भई दुर्घटना हुँदा मोटरसाइकल पछाडि सवार बर्दगोरीया गाउँपालिका– ५ का २१ वर्षीय कालु विकको मृत्यु भएको प्रहरीले जनाएको छ।
दुर्घटनामा गम्भीर घाइते भएका उनको घोडाघोडी अस्पताल सुखडमा उपचारको क्रममा मृत्यु भएको जिल्ला प्रहरी कार्यालय, कैलालीले जनाएको छ। दुर्घटनामा घाइते भएका मोटरसाइकल चालक सोही ठाउँ बस्ने ४० वर्षीय प्रदिप विकको उपचार भइरहेको छ।