धनगढी,७ माघ । सुदूरपश्चिम प्रदेशको कञ्चनपुर जिल्ला स्थित पुनर्वास नगरपालिका वडा नम्बर २ अरनिको बस्तीमा यही माघ १५ गते देखि अरनिको सैनिक कप खुल्ला पुरुष फुटबल प्रतियोगिता हुने भएको छ । कञ्चनपुरको दक्षिणी क्षेत्रको केन्द्रबिन्दु रहेको पुनर्वासमा फुटबलको चहलपहल बढाउने र यहाँका स्थानीय खेलाडीहरुलाई फुटबल खेलतिर उत्प्रेरित गराउने मुख्य उद्देश्य सहित प्रतियोगिता आयोजना गर्न लागिएको आयोजकले जनाएको छ ।
उक्त प्रतियोगितामा प्रथम पुरस्कार २ लाख साठी हजार शानदार कप मेडल र प्रमाण पत्र र द्धितिय हुने १ लाख ३० हजार शानदार कप मेडल र प्रमाण पत्र प्रदान गरिने जनाईएको छ । टिम दर्ता शुल्क दस हजार तोकिएको छ । टिम दर्ता गर्ने अन्तिम मिती माघ १२ गते सम्म रहेको छ ।