कैलाली: गोदावरीमा एक दम्पत्ति मृत फेला परेका छन्। कैलाली जिल्लाको गोदावरी नगरपालिका वडा नम्बर ७ हरैयामा ५५ वर्षीया पदमा ऐर र ६५ वर्षीय हेमबहादुर ऐरमृत फेला परेका हुन्।
श्रीमती घरभित्रै खाटमा घाँटी रेटिएको अवस्थामा र श्रीमान घर बाहिर झुण्डिएको अवस्थामा मृत फेला परेको इलाका प्रहरी कार्यालय मालाखेतीले जनाएको छ।
घटनाको प्रकृति हेर्दा श्रीमानले पत्नीको हत्या गरेर आत्महत्या गरेको हुनसक्ने जनाईएको छ । जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले घटनास्थलबाट एउटा खुकरी फेला परेको बताए ।